FoodSoul API’dagi vebhuklar: CRM yangi hodisalar haqida sizning servislaringizga o‘zi xabar beradi

Endi FoodSoul CRM’da biror narsa sodir bo‘lganda, tizimlaringizga avtomatik tarzda xabar yuboradi. Masalan, yangi buyurtma kelganida, mijoz to‘lov qilganida yoki pulni qaytarib olganida, yangi mehmon ro‘yxatdan o‘tganida. Xizmat manzilingizni bir marta ko‘rsatsangiz kifoya — ma’lumotlar darhol hisob tizimingizga, botingizga, boshqa CRM yoki tahlil tizimiga yuboriladi.

Qanday voqealar haqida xabar olish mumkin

1. To‘liq kartochkali yangi buyurtma. Hisob tizimi, oshxona va tahlil uchun foydali.
2. Buyurtma holatini o‘zgarishi. Mijozga buyurtma haqida xabar beruvchi bot va call-markaz uchun mos.
3. To‘lov holatini o‘zgarishi, shu jumladan qaytarish. Buxgalteriya va moliyaviy hisob uchun kerak.
4. Yangi mijoz va uning ma’lumotlarini o‘zgarishi. Tashqi CRM va xabar jo‘natish xizmatlari uchun.
5. Bonuslarni hisoblash, yechish va kuyish. Sodiqlik dasturi va mehmonlar bilan aloqa uchun.
6. Yangi fikr-mulohaza. Boshqaruvchi va sifat nazorati xizmati uchun.
7. Kuryerni tayinlash. Logistika va mijozga xabar berish uchun.
8. Stop-listni o‘zgarishi. Sayt, oshxona va savdo maydonchalari uchun.
9. Filial buyurtmalarni qabul qilishni to‘xtatdi yoki qayta boshladi. Operatsion nazorat va tarmoq rahbariyati uchun.

Qaysi voqealar haqida xabar olishni o‘zingiz tanlaysiz. Faqat keraklilarini ulashingiz mumkin, masalan “yangi buyurtma” va “to‘lov”. Kerakli voqeani topmadingizmi? Bizga yozing — mamnuniyat bilan qo‘shamiz.

Qanday ulash mumkin

1. Kerakli filial uchun webhooklarni yoqing — imzo kaliti avtomatik yaratiladi.
2. Qaysi voqealar haqida xabar olishni tanlang.
3. FoodSoul ma’lumot yuboradigan xizmat manzilingizni kiriting. Faqat HTTPS manzili mos keladi.
4. Imzo kalitini xabarlarni qabul qiluvchi xizmatga qo‘shing va imzo tekshiruvini sozlang. Agar webhooklar yaratishda turli manzillar ko‘rsatgan bo‘lsangiz, har bir xizmatga kalitni qo‘shing.
5. Xizmat xabarni 10 soniya ichida qabul qilganini tasdiqlashiga ishonch hosil qiling, aks holda FoodSoul uni qayta yuboradi.

6. Qayta yuborishlarni tekshirishni sozlang: bir xabar bir necha marta kelishi mumkin. Barcha takrorlarda bir xil ID bo‘ladi (X-Webhook-ID sarlavhasi). Xizmatingiz qayta yuborilgan xabarlarning ID sini eslab qolsin va takrorlarni o‘tkazib yuborsin — shunda bir to‘lov ikki marta o‘tkazilmaydi.

    

Xavfsizlik: imzo kaliti nima uchun kerak
 

FoodSoul har bir xabarni imzo kaliti yordamida imzolaydi — bu faqat sizda va bizda bo‘lgan belgilar to‘plami. Shu imzo orqali tizimingiz xabarning aynan FoodSoul’dan kelganini va yo‘lda o‘zgarmaganini tekshiradi.
 

Xizmat manzilingizga har kim so‘rov yuborishi mumkin. Masalan, firibgar “buyurtma to‘landi” degan soxta xabar yuboradi va siz to‘lanmagan buyurtmani berib yuborasiz.
 

Imzo bilan bunday bo‘lmaydi. Serveringiz xuddi shu kalit bilan imzo hisoblaydi va kelgan imzo bilan solishtiradi. Agar imzolar mos kelmasa, demak xabar soxta yoki o‘zgartirilgan.

 

Agar nimadir noto‘g‘ri bo‘lsa

• Agar xizmatingiz vaqtincha ishlamasa, FoodSoul 10 soat davomida xabarni bir necha marta yetkazishga harakat qiladi. Qisqa uzilish yoki serverni qayta ishga tushirish voqealarni yo‘qotishga olib kelmaydi.
• Agar muammo uzoq davom etsa, obuna o‘chiriladi va sizga xat keladi: shunda muammo haqida bilib olasiz.
• Obunani qayta yoqish uchun texnik yordamga yozing. Shu yerda uzilish vaqtida yetib bormagan xabarlarni qayta yuborish mumkin.
   

Voqealar va ma’lumotlar formati haqida batafsil ma’lumot — API hujjatlarida.

Hurmat bilan, FoodSoul jamoasi! Siz uchun ishlaymiz!